To nye damer til damelaget
Rosendal sitt damelag har fått signert to nye spelarar, denne gongen frå Halsnøy. Spelarane er Elisabeth Hansen Eide og Kristine Solheim. Desse har spelt på Halsnøy sitt damelag tidlegare.
Dette betyr at damelaget no har spelarar frå så og seia alle bygdene i Kvinnherad, i tillegg til ein spelar frå Odda. Dette lovar godt for komande sesong. Damelaget trenar eingong i veka i Rosendal og eingong på Husnes. Dette er klart ein fordel når laget femnar over så stort geografisk område i kommunen.
Damelaget skal i ilden allereie på sundag. Då deltek dei på Vardcup og skal spela tre kampar.
