Bortekamp mot Odda Blå
G11 reiste i ettermiddag til Odda for å spela mot Odda Blå. Etter å ha slege Trio 02 10-3 i sist kamp var karane klare for ein ny siger, men den gang ei.
Vi hadde spelet så og seia i heile fyrste omgong, gjekk fortent i 2-0 leiing etter enormt med sjansar før det. Mot slutten av omgongen fekk Odda straffe, som dei satte kontant i nota, og satte dermed i 2-1 reduseringa like før pause.
Andre omgong starta som fyrste. Utallige sjansar for Rosendal, men utan marginane på vår side så vart det ikkje mål. Til og med når vi fekk straffe, klarte vi ikkje å lage mål.
10 minutt før slutt fekk Odda frispark 10 meter frå målet vårt. Frisparket gjekk forbi muren og rett i mål. Dermed enda kampen uavgjort 2-2. Ein kamp vi kunne vunne med mange mål dersom vi hadde skora på nokre av sjansane våre, men slik er fotballen.
Gutane skal ha ros for å kjempa til siste fløytesignal, dei er hardtarbeidande gjennom heile kampen og gav aldri opp. Godt jobba ogjen gutar!
Desse var med (mål i parentes):
Torbjørn Haugland Nes, Ola Hunstad, Sindre Mathias Bjørgen Jegteberg, Erik Hjelmeland, Lars Bondhus Bjordal, Øystein Enes, Espen Andre Jonassen, Jonatan Eskeland, Tord Guddal (1), Torstein Kristiansen Olsen, Johannes Hellesøy, Sebastian Tufta Kirknes (1) og Marcus Hylland Såtendal.
