Flott arrangement på Wenche- dagen

Turngruppa hadde laga ei kjekk Tarzan – løype for born mellom 3 og 10 år laurdag 7. november. Wenche Skaaluren hadde gitt 40000 kroner til utstyr for Rosendal Turnlag og ved gravferda til Bjørg Waage Tveitnes sin mann, Hans Knut Waage, vart det gjeve over 11000 kroner til friidrettsgruppa.

Kjerst Bennæs og Laila H Furnes har stått for innkjøp av utstyr, ny «tjukkas», springbrett, trampoline, hekkar, høgdehoppstativ og ein del anna utstyr, som vart levert av Rosendal Sport. I gymsalen var det stor aktivitet, mellom 30 og 40 born var med, og det såg ut som Wenche og Bjørg sette stor pris på det som var gjort.

Astrid Måkestad, Wenche Skaaluren og Bjørg Waage Tveitnes. Klikk på bilete for å sjå fleir.
(Foto: Willy Kalsås)