Rosendal Turnlag

Fotballskule ved Hordaland Fotballkrets

by ·

Kvart år samlar fotballkretsen alle spelarar som fyller 13 år, inneverande år, til ei kartleggjing av spelarar som skal danna kretslag og vidare til eit landslag.

I år vert det to uttak, grunna at Norges Fotballforbund vil gå ned til 12 åringane ved kartleggjinga av spelarar. Dermed vert det ein fotballskule i mars for 96-årgangen og ein i oktober for 97 årgangen.

Det er 16 klubbar i Hordaland som får tilbod om å arrangera fotballskulane. Rosendal er ein av klubbane som har fått tilbod frå kretsen til å vera arrangør. På desse samlingane samlast spelarar i Kvinnherad og Odda.

Dagane med fotballskule som er planlagd i Rosendal er fyljande:

  • Tysdag 17. mars
  • Fredag 20. mars
  • Tysdag 24. mars
  • Torsdag 26. mars
  • Tysdag 31. mars

Alle dagar frå klokka 17:30 til ca 19:30.

Kvar klubb vel ut spelarar som får tilbod om å vera med.

Tema på treningane:

  • Trening 1: Passningsferdighetar (innsidepassningar, og liggjande vristpassning)
  • Trening 2: Passningsspel (taktiske val og utføring)
  • Trening 3: Dribleferdighetar (fintar/dribling og kortid bruke dribling)
  • Trening 4: Avslutningsferdighetar (loddrett vrist/avslutning etter innlegg)
  • Trening 5: Fritt tema (hovudtrenar og trenarar vel ut tema)

Det vil på dei fleste øktene verte mykje spel 4:4 5:5 osv.

Målvaktstrening:

Utgangsstilling – grep på ballen – fallteknikk osv.