God innsats på Fana Stadion
RTL stilte med 5 deltakarar på Fana laikane i år. Vi deltok laurdagen og alle fem sette ei rad personlege rekordar. Det var også målet for dagen. Tord tok ein flott bronsemedalje i spyd for G-11 med eit lengstekast på 18,85m. (400gr. Spyd).
I G-15 tok Anders 3 medlajar. Bronse i spyd, sølv i lengde og gull i høgde.
Med høgderesultat på 1,64 m er han igjen inne blant topp 10 i Norge i år.
Spesielt imponerande var persane som vart sett på 600m. Både Sara (2.02.89), 
Helene (2.08.80), Tord (2.05.66) og Torbjørn (2.07.64) betra tidene med mellom 10 og 15 sek. Veldig bra utan å ha trent ute sidan i haust.
Sara gjennomførte ein god 100m (15.45) og blei nr 6 i lengde (3.87) berre 4 cm frå 4.plassen. Så det er ikkje lang fram.
Helene gjennomførte ein god lengde konkurranse med resultat 3.39
Sjølv om det i einskilde øvingar er eit stykke fram til dei beste så fekk vi vist at det trass i håplause treningstilhøve er fullt mogleg å hevde seg.
No ser vi fram til trening og nye stemner.
