Historisk kamp på kunsten

Torsdag kveld var det duka for historiens fyrste seriekamp i 9’ar fotball på kunsten i Rosendal. Smågutar 13 år fekk besøk av Odda 2 i årets fyrste seriekamp.

Smågut 13 år bak frå venstre: Lars Bondhus Bjordal, Tord Guddal, Jonatan Eskeland, Torstein Kristiansen Olsen, Torbjørn Haugland Nes, Harald Myklebust Lekva, Espen Andre Jonassen. Framme frå venstre: Sander Seim Myklebust, Øystein Enes, Marcus Hylland Såtendal, Ola Teigland Hunstad, Sebastian Tufta Kirknes og Jaran Jensen Eide.

Laga spelte jamt dei fyrste 15 minuttane, etter dette tok heimelaget meir og meir over. Tord ordna 1-0, eit resultat som stod til pause.

I andre omgong hadde heimelaget stort sett kontroll, Odda var nære på nokre gonger, men då ordna målvakta Ola fint opp. Jonatan la på til 2-0, medan Tord ordna sluttresultatet 3-0. Ein god kamp av heimelaget, neste kamp vert borte mot Strandulv. Dei har som kjend grusbane og det er alltid ein utfordring i seg sjølv.