Opnar turhytte i Myrdal

Slik såg turhytta ved Myrdalsvatnet ut tidleg i juni. No er hytta ferdig, og vert feira med opningsfest på søndag. (Foto: Morten Nygård).

Søndag klokka 13.00 vert den nye turhytta ved Myrdalsvatnet opna. Prosjektet er ein del av geostien til Øvre-Myrdal, og følgjer såleis etter fjorårets lansering av eit omfattande hefte og oppsetjing av informasjonskilt på begge sider av elva. Geostien vart til gjennom eit samarbeid mellom Turgruppa i Rosendal Turnlag og Rosendalstiftinga.

Under opninga vert det gjeve informasjon om prosessen og om natur- og kulturhistoria i Myrdal. Det vert òg fyrt opp bål, og såleis høve til grilla pølser.

Parkering på Kletta. Dei som treng skyss inn, kan møta ved bommen klokka 12.00.