Sletta 38 år gamal klubbrekord
Under Gneistspelen på Fana Stadion i helga, sprang Sindre Solbakken Omvik sin fyrste 3000 m på bane, og sletta like godt Rosendal Turnlag-rekorden som har stått i heile 38 år (Lars Øyre, 8,42,4 i Steinkjer 1978). I eit sterkt A-felt som vart vunnen av Erik Hovlandsdal, Norna-Salhus IL, på 8,29,67, sprang Sindre eit strålande taktisk debutløp, der han heile tida sprang jamnt og tetta lukene som oppstod. Som vanleg avslutta han med ein sterk spurt, og enda til sist på 5 plass på den sterke tida 8,36,63.
