Tilsetjing av Administrativ sportsleg koordinator
ROSENDAL TURNLAG er eit tradisjonsrikt fleiraktivetsidrettslag med seks undergrupper, og eige trenings & trimsenter. Laget har omlag 450 medlemar, og fylte 115 år i 2016.
ROSENDAL TURNLAG SØKJER ADMINISTRATIV SPORTSLEG KOORDINATOR
Idrettslaget har fram til i dag vore drive på dugnad utan fast tilsette. Aktiviteten i laget aukar, og mange utviklingsprosjekt er under planlegging, så styret vurderer no å tilsetja ein administrativ sportsleg koordinator i 50 % stilling. Auke i stilling kan verta vurdert når økonomien tillet det.
Arbeidsoppgåver:
- Dagleg drift og leiing av idrettslaget
- Sekretær for hovudstyret og koordinator mellom styret, sportsleg utval og grupper
- Rekneskapskontroll, budsjett- og rapporteringsansvarleg
- Ansvar for årsmøtedokument, rapportar og informasjonsskriv
- Ansvar for prosjektsøknadar og søknadar til aktuelle tilskotsordningar
- Planlegging og gjennomføring av arrangement
- Fokus på medlemsverving, utviklingsarbeid, og nye område for auka inntening til laget
- Planlegging/vurdering av etablering & drift av idretts-SFO
- Samarbeida med eksterne aktørar (kommunen, Idrettsråd, Idrettskrets, Idrettsforbund m.m.)
- Omdømmebygging og marknadsføring
Kvalifikasjonar:
- Idrettsfagleg utdanning og/eller erfaring
- Leiar- og styreerfaring
- Erfaring fra kontrakts- og økonomistyring av prosjekt
- Erfaring innan marknadsføring og kommunikasjon
- Gode datakunnskapar
- God norsk framstillingsevne, både muntleg og skriftleg
Personlege eigenskapar:
- Ryddig, velorganisert og dyktig administrator med stor gjennomføringsevne
- Må trivast med å jobba sjølvstendig og samtideg vera flink til å jobba i team
- Utadvendt nettverksbyggjar
- Evne til å inspirera og ta vare på ildsjelene
Stillinga rapporterer til hovudstyret i Rosendal Turnlag ved styreleiar.
Arbeidsbelastninga vil vera noko ulik gjennom året, og ein del kveldsarbeid må difor påreknast.
Snarleg tilsetjing er ynskjeleg. Lønn etter avtale.
Søknad med CV på e-post til rosendal@folgefonn.net
Søkjarfrist: 31.07.2017
Kontaktperson:
Hovudstyreleiar Jostein Hatteberg mob. 489 94 213
Våre samarbeidspartnerar:
